Posted in Պատմություն 10, Դասեր

Հանդիպում Արման Մալոյանի հետ

Նոյեմբերի 9-ին «Սեբաստացիական զրույցներ» խորագրի շրջանակում Մխիթար Սեբաստացի կրթահամալիրի հետազոտական վարժարանում տեղի ունեցավ հանդիպում «Էջմիածին» ամսագրի գլխավոր խմբագրի տեղակալ, պատմական գիտությունների թեկնածու Արման Մալոյանի հետ։

Հանդիպման ընթացքում հյուրն անդրադարձավ Վենետիկի Սուրբ Ղազար կղզում տեղի ունեցած միջազգային գիտաժողովին, որը նվիրված էր Մխիթար Աբբահոր ծննդյան 350-ամյակին։ Զրույցի ընթացքում խոսվեց Մխիթար Սեբաստացու կյանքի և գործունեության, Մխիթարյան միաբանության պատմության ու հայ մշակույթի, հայագիտության և ազգային ինքնության պահպանման գործում նրա ունեցած մեծ դերի մասին։

Հանդիպումն անցավ հետաքրքիր և բովանդակալից մթնոլորտում։ Սովորողները հնարավորություն ունեցան հարցեր ուղղելու հյուրին, լսելու նոր տեղեկություններ և ավելի լավ ճանաչելու Մխիթար Սեբաստացու թողած գիտական, կրթական ու հոգևոր ժառանգությունը։

Այսպիսի հանդիպումները հնարավորություն են տալիս նորովի բացահայտել մեր պատմությունն ու մշակույթը, արժևորելու ազգային ժառանգությունը և հասկանալու դրա կարևորությունը մեր օրերում։

Շնորհակալություն Արման Մալոյանին և մեր պատմության դասատուներին հետաքրքիր զրույցի և գիտելիքի փոխանցման համար։

Leave a Reply