Անկախություն ասելով՝ առաջին հերթին պատկերացնում ենք ազատություն։ Բայց անկախ լինելը միայն ուրիշից կախված չլինելը չէ։ Իմ կարծիքով՝ անկախությունը նաև սեփական որոշումները կայացնելու, դրանց համար պատասխանատվություն կրելու և սեփական ճանապարհը ընտրելու կարողությունն է։
Անկախությունը կարող է լինել և՛ անձնական, և՛ պետական։ Անկախ մարդը կարողանում է ինքնուրույն որոշումներ կայացնել, լսել ուրիշների կարծիքը, բայց վերջնական ընտրությունը կատարել ինքնուրույն։
Պետության համար անկախությունը նույնպես շատ կարևոր է։ Անկախ պետությունն ինքն է որոշում իր ապագան, ստեղծում իր օրենքները և պաշտպանում իր ժողովրդի շահերը։ Հայաստանի համար անկախությունը հատկապես կարևոր է, քանի որ մեր ժողովուրդը երկար տարիներ եղել է ուրիշ երկրների տիրապետության տակ և երկար պայքարել է իր ինքնությունը, լեզուն և մշակույթը պահպանելու համար։
Սակայն անկախությունը միայն ազատություն չէ, այլ նաև պատասխանատվություն։ Եթե մարդը կամ պետությունը ինքնուրույն որոշումներ է կայացնում, պետք է պատրաստ լինի պատասխան տալ դրանց հետևանքների համար։
Ես կարծում եմ, որ անկախությունը սկսվում է հենց մարդուց։ Սեփական կարծիքն ունենալը, որոշումներ կայացնելը և դրանց համար պատասխանատվություն կրելը մեզ ավելի անկախ են դարձնում։
Դալլաքյան Մարիամ👼 