Մարդու կյանքում շատ բան կախված է իր ընտրությունից։ Ամեն որոշում կարող է փոխել ոչ միայն իր կյանքը, այլ նաև ուրիշների։ Գրականությունն ու պատմությունը ցույց են տալիս նման օրինակներ։ Վասիլիկի և Պետրոս Գետադարձի դեպքերը դրա լավ օրինակներն են։ Նրանց քայլերը կարևոր ազդեցություն են ունենում։
Վասիլիկի հետ կապված հերոսի և Պետրոս Գետադարձի ընտրությունները փոխում են դեպքերի ընթացքը, և եթե նրանք այլ կերպ վարվեին, ամեն ինչ կարող էր ուրիշ ձև լինել։
Գեղարվեստական հատվածում հերոսը շատ բարկացած է և ուզում է վրեժ լուծել։ Նա նույնիսկ պատրաստ է դանակ օգտագործել։ Բայց վերջում նա մտածում է ու կանգ է առնում։ Նա չի անում այդ քայլը։ Դրա շնորհիվ արյուն չի թափվում, բայց ինքը մնում է տխուր ու դատարկ։ Վերջում նա նորից վերադառնում է իր բանտը։ Սա ցույց է տալիս, որ նրա ընտրությունը փրկում է ուրիշներին, բայց իրեն երջանկություն չի տալիս։
Պատմական հատվածում Պետրոս Գետադարձը սխալ որոշում է ընդունում։ Նա օգնում է, որ Անիի թագավորությունը անցնի Բյուզանդիային։ Նա նույնիսկ Անիի բանալիները տալիս է կայսրին։ Դրա պատճառով Հայաստանը կորցնում է իր անկախությունը։ Եթե նա ուրիշ որոշում ընդուներ, գուցե այդ ամենը տեղի չունենար կամ ուշանար։
Այսպիսով` այս երկու օրինակները ցույց են տալիս, որ մարդու ընտրությունը շատ կարևոր է։ Մեկը չի անում վատ քայլ ու խուսափում է ողբերգությունից, մյուսը իր որոշումով վնասում է ամբողջ երկրին։ Սա ապացուցում է, որ պետք է մտածել մեր քայլերի մասին։ Մեր որոշումները կարող են մեծ ազդեցություն ունենալ։
Դալլաքյան Մարիամ👼 