Իմ ընտրած ստեղծագործությունը` Ճաբուա Ամիրեջիբի ,,Հեծանիվը,,
- Ստեղծագործության ասելիքը, գաղափարը,
Ստեղծագործության գլխավոր գաղափարն աշխատասիրությունն ու բարի սիրտն է: Աչիկոն իր վաստակած գումարը, որը պատրաստվում էր ծախսել հեծանվի վրա տալիս է քրոջը, որպեսզի նա լինի երջանիկ։ Պատմությունը ցույց է տալիս, որ սերը և մարդասիրությունը ավելի կարևոր են, քան որևէ նյութական բան, և երբ մարդը կարողանում է ուրիշի մասին մտածել, դա նրան իսկապես լավ մարդ է դարձնում:- ձեր տպավորությունները՝ մեկնաբանելով և հիմնավորելով,
Պատմությունը շատ հուզիչ էր։ Ամեն ինչ այնքան պարզ էր գրված, բայց այնքան խոր իմաստ ուներ: Ամենից շատ ինձ դուր եկավ Աչիկոյի ազնիվ ու մաքուր արարքը։ Նա չէր մտածում իր հեծանիվի, իր երազանքի մասին, այլ քույրիկի։ Այդ պահին նա փոքրիկ երեխայից դառնում է իսկական տղամարդ։ Այսստեղծագործությունը ստիպեց ինձ մտածել, թե ինչքան քիչ են մարդիկ, ովքեր ուրիշների մասին են մտածում նախքան իրենց:- ի՞նչ տվեց ձեզ ստեղծագործությունը, ինչ սովորեցիք,
Այս պատմությունը ինձ սովորեցրեց, որ բարի լինելը ամենաթանկ բանն է։ Եթե անգամ ինչ-որ բան ես կորցնում, բարի գործ անելով միշտ ինչ -որ ավելի մեծ բան ես ձեռք բերում: Ես հասկացա, որ չպետք է վախենալ աշխատելուց, և որ սեփական քրտինքով վաստակածը ամենաարժեքավորն է։ Իսկ երբ կարողանում ես այն կիսել ուրիշի հետ, դա քեզ իսկապես մեծացնում է։- առանձնացրե՛ք հետաքրքիր մտքեր, մեկնաբանեք,
«Մենք աղքատությունից չենք վախենում, սիրում ենք միմյանց»
Ինձ դուր եկավ այս հատվածը: Այն ցույց է տալիս, որ սերն ու փոխհասկացությունը ավելի կարևոր են, քան փողը կամ ունեցվածքը։
«Ես հանեցի 720 ռուբլին և Քեթինոյի վերնազգեստի գրպանը խցկեցի»
Այս հատվածում Աչիկոն հեծանվի տեղը ընտրում է քրոջը և ամբողջ իր ունեցվածքը տալիս է նրան: Աչիկոն շատ բարի վարվեց քրոջ հետ և նրան օգնեց:
Դալլաքյան Մարիամ👼 