Աշխատանք դասարանում
Կիսատ թողած աշխատանքների ավարտում։
Կարդա՛ տեքստը և կատարի՛ր առաջադրանքները։
Մի անգամ ոստրեն ցանցն ընկավ ու բոլոր որսվածների հետ միասին հայտնվեց ձկնորսական խրճիթում:
-Այստեղ բոլորիս անխուսափելի կործանում է սպասվում,-տխուր-տխուր մտածեց նա՝ տեսնելով, թե հատակին դատարկված կույտի մեջ իր դժբախտ եղբայրակիցներն առանց ջրի ինչպես են խեղդվում և ջղաձիգ թպրտում մահվան տանջանքների մեջ:
Հանկարծ որտեղից որտեղ հայտնվեց մուկը:
-Լսի՛ր , բարի՛ մկնիկ,-աղերսեց ոստրեն: Բարի գործ արա, ինձ տար դեպի ծովը:
Փոքրիկ մուկը հասկացող հայացքով զննեց նրան. Ոստրեն բացառիկ խոշոր ու գեղեցիկ էր, համ էլ դրա միսը պետք է որ հյութալի ու համեղ լիներ:
-Լավ,-պատրաստակամորեն ասաց մուկը՝ որոշելով ձեռք գցել ձրի ավարը, որն, ինչպես ասել են հմուտ որսորդները, իր ոտքով է եկել: -Բայց դու նախապես պետք է բացես քո խեցու փեղկերը,գոնե կիսով չափ, որպեսզի ինձ ավելի հարմար լինի քեզ տանել դեպի ծով: Հակառակ դեպքում ես ոչ մի կերպ չեմ կարողանա գործը գլուխ բերել:
Խաբեբան այնքան համոզիչ ու ոգեշնչված էր խոսում, որ նրա համաձայնությունից ուրախացած ոստրեն չնկատեց խարդավանքն ու վստահելով բացեց փեղկերը: Մուկը սուրուլիկ դնչով անմիջապես խցկվեց խեցու ներսը, որպեսզի ատամներն ավելի ամուր խրի խեցու մեջ: Բայց շտապելու պատճառով մոռացավ զգուշության մասին։ Ոստրեին թվաց՝ գուցե ինչ-որ բան այն չէ, հասցրեց շրխկացնելով փակել իր փեղկերը՝ թակարդի նման ամուր սեղմելով կրծողի գլուխը:
Մուկը ցավից բարձրաձայն ծվծվաց, իսկ մոտակայքում գտնվող կատուն լսեց ծվծվոցը, մի ցատկով վրա պրծավ խաբեբային ու հափռեց:
1. Ո՞ր միտքն է բխում տեքստի բովանդակությունից կամ չի հակասում նրան։
Ա․ Ինչպես ասում են ՝ խորամանկիր, բայց պոչդ լա՛վ պահիր:
Բ․ Անրհարժեշտ է ընկերներ ընտրելուց առաջ ուշադիր լինել։
Գ․ Երբեք չես կարող իմնալ՝ ինչ կպատահի։
Դ․ Ձկնորսական խրճիթը գտնվում էր ծովի մոտ։
2. Առանձնացրո՛ւ նախադասություն, որտեղ համադասական շաղկապը կապել է նախադասության անդամներ։
Մի անգամ ոստրեն ցանցն ընկավ ու բոլոր որսվածների հետ միասին հայտնվեց ձկնորսական խրճիթում:
3. Տրված նախադասության մեջ ընդգծվածն ի՞նչ պաշտոն է կատարում։
Ոստրեն բացառիկ խոշոր ու գեղեցիկ էր։
4. Տեքստից դո՛ւրս գրիր զննել բառի հոմնաիշը։
Տեսնել
5. Ի՞նչ է նշանակում գործը գլուխ բերել։
Գործը ավարտել
6. Տեքստից դո՛ւրս գրիր երկբայական վերաբերական։
Գուցե:
7. Փոքրիկ մուկը հասկացող հայացքով զննեց նրան ։ Այս նախադասության մեջ ո՞ր խոսքի մասով է արտահայտված գոյականական անդամի լրացումը և ի՞նչ լրացում է։
Փոքրիկ-որոշիչ:
8. Նախադասության անդամներից որի՞ պաշտոնն է սխալ նշված։
Մուկը ցավից բարձրաձայն ծվծվաց, իսկ մոտակայքում գտնվող կատուն լսեց ծվծվոցը, մի ցատկով վրա պրծավ խաբեբային ու հափռեց:
Մուկը- ենթակա
Լսեց- ստորոգյալ
բարձրձայն- ածական
ցավից -պատճառի պարագա
9. Ի՞նչպիսինն էր ոստրեի միսը։
10. Տեքստից դո՛ւրս գրիր բառ, որտեղ ե-ն հնչյունափոխվել է ի-ի։
Կիսով-կես
11. Դո՛ւրս գրիր նախադասություն, որտեղ ենթակա չկա։
Բայց շտապելու պատճառով մոռացավ զգուշության մասին։
12. Դո՛ւրս գրիր մեկ բառ, որում գաղտնավանկ կա։
Ջղաձիգ
13. Դո՛ւրս գրիր մեկ կրկնավոր բարդություն։
Տխուր-տխուր:
14. Դո՛ւրս գրիր մեկ որոշյալ դերանուն։
Մի անգամ ոստրեն ցանցն ընկավ ու բոլոր որսվածների հետ միասին հայտնվեց ձկնորսական խրճիթում:
15. Դո՛ւրս գրիր մեկ մակբայ։
Բարձրաձայն
16. Դո՛ւրս գրիր վաղակատարով դրված որևէ բայ։
Ասել են
Դալլաքյան Մարիամ👼 