Համո Սահյան
Անտառից եկած կանաչ եղևնին,
Հիշում է կանաչ իր ընկերներին,
Արահետներն է հիշում ձյունի տակ,
Հիշում է բացատն ու բուքն սպիտակ:
Երկինքն է հիշում իր գլխի վերև,
Եվ իր մայր անտառն ասեղնատերև,
Հովերն է հիշում նա գարնանային,
Որ իրեն այնպես օրորում էին:
Վաղորդյան ցողի գոհարն է հիշում,
Եվ մայրամուտի թևերն աբրեշում,
Հիշում է սոսափն ամեն մի ծառի,
Խարույկն է հիշում անտառապահի:
Հիշում է բոլորն ու չի ափսոսում,
Որ էլ անտառի երգը չի լսում,
Ինչո՞ւ ափսոսա, երբ իր թևերին
Գարուն է բերել երեխաներին,
Գարուն է բերել այս ձմռան օրով
Եվ տուն է մտել կանաչ շորերով.
Ե՞րբ է նա այսպես զուգվել, զարդարվել
Եվ մարդկանց այսքան հրճվանք պատճառել,
Ե՞րբ է նա եղել այսքան երջանիկ
Ու ե՞րբ է տեսել այսքան խաղալիք:
Ե՞րբ են նրա մոտ այսքան մանուկներ
Երգել ու պարել մինչև ուշ գիշեր…
Զարդարանքներով, աստղերով իր պերճ
Կանգնել է ուրախ մանուկների մեջ,
Այնպես հպարտ է նայում աշխարհին,
Կարծես հենց ինքն է բերել Նոր տարին:
Հարցեր և առաջադրանքներ
- Անհասկանալի բառերը դո՛ւրս գրիր և բառարանի օգնությամբ բացատրի՛ր:
- Արահետ-ճանապարհ,բուք-սառնամանիք,ասեղնատերև-երկար և բարակ տերև,հրճվանք-ուրախություն,պերճ-ճոխ
- Ի՞նչ էր հիշում եղևնին: Պատմի՛ր եղևնու անունից:
- Եղևնին հիշում էր իր ընկերներին,բացատը,երկինքն էր հիշում,մայր անտառն էր հիշում,խարույկն էր հիշում:
- Եղևնին ի՞նչ էր զգում անտառից հեռու:
- Եղևնին չէր ափսոսում որ եկել էր անտառից և որ ուրախություն պիտի պարգևներ մանուկներին:
- Նա ափսոսո՞ւմ էր, որ այլևս անտառում չի:
- Նա ուրախ էր որ պիտի զուգվի և զարդարվի ու ուրախացնեի երեխաներին:
- Ինչո՞ւ էր նա հպարտ նայում աշխարհին:
- Որովհետև հրճվանք-ուրախություն էր պատճառում մարդկանց:
- Նամակ գրի՛ր եղևնուն:
- Սիրելի Եղևնին եկող տարի այդպես ուրախ ու կանաչ հյուր կգաս իմ տուն:
Դալլաքյան Մարիամ👼 